Club de Leóns

WEBQUEST: Alicia en el País de las Maravillas (Gandalf)

2012-02-13T21:11:00.001+01:00

Estimados Leones,

hasta los alejados confines de la Tierra Media llegaron noticias de que estais haciendo una webquest muy interesante. Como también a mí me gustan estas cosas, pues ahí os va una ayudita para que podáis responder fácilmente a las preguntas que ese pequeño gamberro de Frodo os anda encargando. Por eso, aquí os dejo unos vídeos que seguramente harán vuestra tarea mucho más fácil.

http://www.youtube.com/watch?v=auWgpzNKXac

http://www.youtube.com/watch?v=x6xc5uiDyA4&feature=related

http://www.youtube.com/watch?v=rQUW781sLqM&feature=related

http://www.youtube.com/watch?v=VKhOhHWP6Lc

Podéis dejar vuestros comentarios aquí mismo, que Frodo los leerá igualmente.

Un abrazo, y nos vemos por la Tierra Media (ojo y no acercarse a Mordor, eh?)

Gandalf (lo de Mithrandir es cosa de los Elfos.... ya sabéis como son!)

Exposición Materiais Pola Paz

2012-01-31T22:18:00.000+01:00

Club de lectura 3º PDC: Os vellos non deben de namorarse

2012-01-29T22:52:00.001+01:00

O club de lectura de 3º de PDC limos durante os meses de decembro e xaneiro “Os vellos non deben de namorarse”. É unha das obras máis populares do teatro galego. Escrita por Castelao, atopamos tres historias cun tema común: un vello que se namora dunha rapaza moito máis nova ca el.

É unha historia moi divertida e interesante. A nós gustounos especialmente o vello protagonista do II lance. O libro retrata un pouco a época de Castelao e as desigualdades sociais. Ensínanos que para determinadas cousas na vida, como é o amor, hai que ter sentidiño común e que as cousas pasan ao seu debido tempo.

A escena final no cemiterio tamén é simpática. Os tres vellos protagonistas, lonxe de producir en nós tristura, diremos que conseguiron o seu merecido por non ter os pés no chan.

3ª reunión club de lectura de secundaria

2012-01-29T18:05:00.003+01:00

Ola a todos, desta vez pasou moito tempo entre reunión e reunión, pero como vedes non perdemos o tempo. As nosas lecturas foron moitas e moi prolíficas, incluso comentamos libros que non tiñamos previsto. Así durante a nosa hora habitual para reunírmonos intercambiamos diversas opinións, mais sobre todo centrámonos en dous textos: A cabeza de Medusa e Febre. O primeiro foi obxecto ata de discusión; somos algúns os que cremos que o tema da violación non está ben tratado na obra, que debería presentalo como algo máis dramático, parécenos pouco crible. Porén, outros opinamos que o importante é como trata a sociedade o tema e sobre todo como se pode relacionar co título da obra. Asemade relacionamos isto con Febre, onde aínda que non como tema principal, si que aparece tamén un caso de violación. De feito os que non lemos a obra quedamos con gana de facelo, non só por este tema senón para tentar recoñecer os lugares que aparecen nela sobre Noia e Lousame.

Gustaríanos saber a opinión sobre todo isto dalgúns de vós que, aínda non estando no club de lectura, sabemos con seguridade que xa lestes ambos os dous libros.

Por outra banda para a próxima reunión imos ler:

El último Orco

Unha estrela no vento

Corredores de sombra

Tengo ganas de ti

A pomba e o degolado

Raquel

Aire Negro

A paixón de Alexandre

Cuentos Macabros

Esperamos os vosos comentarios e non imos tardar moito en vernos, será o vindeiro 24 de febreiro. Ata entón boas lecturas!!!!

3ª Reunión do club de lectura de ficción de secundaria

2012-01-27T16:10:00.000+01:00

O venres 27 de febreiro reunímonos de novo para falar das nosas lecturas e levar novos libros para este mes. Os rapaces máis novos aceptamos a proposta de Susi de levar libros de poesía para ler alomenos un par de poemas, xa que non é algo que fagamos habitualmente. Os elixidos foron:
- Chove nos versos
- O país de amarnos
- O libro dos 100 poemas
- Poetízate
- Ciudad Laberinto
-Arte del aire
- Antoloxía da poesía galega
Non todos dimos lido o libro e aínda estamos nelo pero aínda así ahí van as nosas recomendacions dos libros que nos gustaron:
- Celia lo que dice, para 4º e 5º de primaria.
- Historias asombrosas. 1º ciclo de secundaria.
- Voando só para 2º e 3º de ESO
- Viaje al centro de la tierra para secundaria, se vos gustan libros longos.

Webquest, "Alicia en el País de las Maravillas" (3)

2012-01-25T19:07:00.000+01:00

Un instante después se coló Alicia también, sin pararse a pensar cómo saldría.

La madriguera siguió recta como un túnel durante un trecho, y luego torció hacia abajo tan bruscamente que Alicia no tuvo ni un momento para pensar en detenerse, antes de caer, por lo que parecía un pozo muy profundo.

O el pozo era muy profundo, o ella caía muy despacio; porque tuvo tiempo de sobra, mientras descendía, para mirar en torno suyo, y preguntarse qué ocurriría a continuación. [...] ¡”Vaya”, pensó Alicia para sí, “después de una caída como ésta, rodar por una escalera no me va a parecer nada!¡Qué valiente van a pensar que soy, en casa!¡Bueno, incluso si me cayese del tejado, no dirían nada!”

Ei , parade un momento... como que non dirían nada se caises do tellado?! Vaste partir a crisma! Esta Alicia non coñece a “ley da gravidade” que é a que nos ensina a gravidade de caerse do tellado! Podédeslle dicir a Alicia en qué consiste a “ley da Gravidade” e quen a enunciou?

Se necesitades algunha pista ahí vai unha de libro: busca aos bibliotecarios Susi ou Pablo e dilles esta fórmula máxica:
03.5
VAR
cie
ou se prefires unha pista de Internet:

Cando o saibades deixádeme a solución premendo en comentarios

Webquest, "Alicia en el País de las Maravillas" (2)

2012-01-24T16:56:00.001+01:00

"...de pronto llegó junto a ella un conejo blanco de ojos rosados.

No había nada de particular en aquello; ni consideró Alicia que fuese muy excepcional oír al Conejo decirse a sí mismo: “¡Dios mío!¡Dios mío!¡Voy a llegar demasiado tarde!” (al pensar en ello más tarde, se le ocurrió que debía haberle extrañado una cosa así; sin embargo, en aquel momento le pareció la mar de natural); pero cuando el Conejo se sacó un reloj del bolsillo del chaleco, lo consultó, y luego reanudó apresuradamente la marcha, Alicia se incorporó de un brinco, ya que se le ocurrió de pronto que jamás había visto un conejo con un bolsillo de chaleco, o con un reloj que sacar de él; y, muerta de curiosidad, echó a correr tras él por el prado, justo a tiempo de ver cómo se metía por una gran madriguera bajo el seto."

Ben rapazada, que facemos? Seguimos ao coello ou poñémonos a estudiar? [...] non sei por qué supoñía que íbades a dicir iso... ben pois todo o mundo tralo coello... pero antes de seguir... decirvos que contestáchedes moi ben as preguntas do primeiro post; así que cal era o nome verdadeiro de Lewis Carroll?

Cando o saibades deixádeme a solución premendo en comentarios

Webquest, "Alicia en el País de las Maravillas" (1)

2012-01-22T22:19:00.001+01:00

“Alicia empezaba a estar muy cansada de permanecer junto a su hermana en la orilla, y de no hacer nada; una vez o dos había echado una mirada al libro que su hermana estaba leyendo, pero no traía ilustraciones ni diálogos; y “¿de qué sirve un libro” pensó Alicia, “si no trae ilustraciones ni diálogos?”

Así comeza o conto “Alice in Wonderland” de Lewis Carroll , seudónimo dun matemático inglés de 1832, un dos contos mais famosos...”Ei, un momento, para de contar, que teño un par de preguntiñas:

1- Que significa “Alice in Wonderland”

2- Que é un seudónimo

Cando o saibades deixádeme a solución premendo en comentarios

Visita ás Minas de San Finx

2012-01-22T22:10:00.002+01:00

Este sábado 21 os integrantes do Club de lectura de adultos visitamos ás Minas de San Finx, actividade complementaria á lectura do libro "Febre" de Héctor Carré. Maite Sobradelo explicounos a historia das Minas e amosounos as ferramentas e maquinaria gardada no museo. Entusiasmounos ver ónde estaba o Cuartel da Garda Civil e a taberna de Roxelio. Quedamos moi contentos de coñecer esta parte da historia do concello.

Para todos/as os que estades afectados pola febre do wolfram, eiquí tedes maís mediciña:

"Cabalo de ouros" de Víctor Freixanes, "Misión de guerra en España" de Carlton Hayes, "La batalla del Wolframio" de Joan María Thomas e "1936, a guerra civil en Lousame e Noia" de Xerardo Agrafoxo.

Grazas a todos e todas por vir, a Maite polo que nos contou e a Olalla por tan belas fotos.

Rebecca Dautremer

2012-01-21T15:08:00.001+01:00

Exposición sobre Rebeca Dautremer na nosa biblioteca

Rebecca Dautremer é unha ilustradora francesa que xunto con Sébastien Lacombe traspasa as fronteiras do país galo. Podedes ver o seu traballo nos libros que temos na biblioteca e aquí tedes a súa páxina web oficial, esperamos que os disfrutedes.

Club de lectura temático: Civilizacións perdidas

2012-01-16T20:30:00.000+01:00

Despois de viaxar polo mundo, apetécenos coller a máquina do tempo e viaxar a épocas lonxanas e civilizacións perdidas... e aquí nos tendes Cristian vai visitar as terras viquingas, Vanesa e mais Eva trasládanse ata as praderas norteamericanas para convivir cos indios. Nerea e Isabel prefiren o calor do antigo Exipto aínda a risco de que as momifiquen...pero Noelia e Laura decidiron acompañalas tamén, atoparán un tesouro máis impresionante que o de Tutankhamon? ...E José Ramón e Cristina decidiron marchar noutra máquina do tempo diferente, a da "Clave secreta del Universo" e visitar as galaxias, esperemos que non caian nun burato negro e telos de volta para a seguinte reunión!! Ata pronto... que envidia me dades...

Xente coma nós

2012-01-13T23:25:00.001+01:00

A xente coma nós, as nenas do club de lectura de primaria e as que foran case coma nós (as mestras). Pensamos que non sería mala idea, neste venres 13 de xaneiro, darlle vida ao novo ano 2012 co tema musical "XENTE" de Berrogüetto. Preme no "play" para escoitala.

Club de lectura temático: Viaxando polo mundo

2012-01-13T22:19:00.000+01:00

Nesta nova reunión de decembro, os integrantes do club de lectura temático marchamos de "viaxe virtual" pola nosa cidade favorita: Cristian e Marina a Londres, Noelia e Nerea a París, Laura e Noelia a Brasil, Paula e Laura a Australia, Vanesa e Paula a California e Martín e Isabel a Zurich.

A nosa experiencia no espacio

2012-01-13T14:45:00.002+01:00

Ola rapazada, xa estamos de volta por Lousame tras unha interesante viaxe polo espazo sideral, naves espaciais, galaxias descoñecidas, extraterrestres do mais extraño... de todo houbo. Uf! un descanso por favor... que xa non podemos máis. Lede os nosos comentarios se queredes saber como nos foi...!

Os Reis Magos visitan Lousame!!

2012-01-10T19:44:00.001+01:00

O 9 de xaneiro retomamos as clases cunha sorpresa impresionante!! Os Reis Magos visitaron o noso cole e deixánonnos tres paquetóns enormes de libros e unha estupenda misiva onde nos felicitan por ser tan lectores... Abrimos os paquetes entusiasmados/as e case todas as nosas peticións foron atendidas: Eragon, Crepúsculo, Tea Stilton, Canciones para Paula, Los Cinco... e moreas máis...
Os/as axudantes de biblioteca non paran de forrar libros...e nós, non paramos de ler...Só quedóusenos un desexo por cumplir: UNHA BIBLIOTECA MÁIS GRANDE POR FAVOR!!!
Esperemos que pronto nola concedan... PROMETEMOS LER MOITO...
Por certo... que vos pareceron os libros novos? Deixade aquí os vosos comentarios!!

Club de lectura adultos: "Febre" de Héctor Carré

2012-01-06T16:22:00.001+01:00

Por fin poidemos ler a novela de Héctor Carré sobre a historia do wolframio, as Minas de San Finx e Lousame. Tárdame saber as vosas opinións; a mín gustoume reaaalmente!, ten as doses precisas en todos os seus ingredientes: humor, amor, historia, ficción, violencia, superación... moi equilibrada e sen estridencias. O meu desexo para esta historia: unha película á súa medida!

BO NADAL!

2011-12-22T17:59:00.000+01:00

Mamá Noel ficou namorada...

2011-12-20T22:49:00.006+01:00

O martes 20 de decembro, Mamá Noel pasou pola nosa biblioteca enterada de que estabamos celebrando o centenario do nacemento de Álvaro Cunqueiro, e recibiu a visita das nenas e nenos de Infantil, que souberon da súa visita por un paxariño... que neste caso foi unha pomba dourada. Cantaron, falaron de contos, e leron o do cabalo de Alberte Merlo, os nenos e nenas fixeron uns espectaculares debuxos da pomba dourada.

Pódovos dicir que Mamá Noel quedou namorada do voso entusiasmo e tenrura...

Roteiro a Ferrol, imaxes...

2011-12-18T22:43:00.001+01:00

Pois aquí tedes as imaxes do Roteiro Literario polo Ferrol de Torrente Ballester. Comezamos na ermida de Chamorro ou Nosa Señora do Nordés vendo unha panorámica de Ferrolterra, despois baixamos ata o porto de Ferrol, a tomar un cafeciño que viña ben, aínda que penso que o tempo foi moi benévolo con nós. Despois paseamos un pouco ata o Parque Raíña Sofía onde o pasamos moi ben facendo música no parque, dándolle de comer ós pavos reais e fuchicando cos trebellos de Acuaciencia.

Tras unha reparadora comida picnic en Amboaxe e un café con torta no BlaBlá paseamos pola Calle Real, Cantóns de Molíns e Praza de Abastos, vendo os principais edificios modernistas da vila. Tras outro café no "invernadoiro" entramos a ver o Tradicional Belén da Orden Terceira de San Francisco, que se movía reaaalmente!

Cun chocolatiño con churros e buñuelos no bandullo, volvemos pra Lousame cantando baixiño... vale, non tan baixiño. Grazas a todos e todas por portarse tan ben e seres tan agradables, foi un sábado inesquecible!!

Do Ferrol de Torrente ó Ferrol de hoxe en día

2011-12-10T18:58:00.000+01:00

Chegamos a Ferrol pola autoestrada A6 e tomamos o desvío de "A Malata" e seguimos por diante da Feira de Mostras do Noroeste cara a Serantes e continuamos pola estrada de Cobas/Esmelle. Despois do restaurante "A Torilla" a man esquerda atopades a carretera de subida ó santuario de Nosa Señora de Chamorro, dende alí tedes unha panorámica completa de Ferrolterra.
O val que se atopa ós vosos pés é Serantes, lugar donde naceu Gonzalo Torrente Ballester. Se vos fixades hay unha capela con un camposanto, San Salvador, onde reposan os restos do escritor baixo unha sinxela lápida en mármore.

Tomade de novo a mesma estrada, esta vez para chegar ata o peirao de Ferrol. Estades na zona máis antigua da vila e á esquerda, dende a muralla defensiva do recinto do Arsenal Militar, os canóns vixian a entrada da Ría. En verán podedes aproveitar para coller a lancha de Mugardos e cruzar ata a outra orilla e degustar o "polbo á mugardesa". Dirixídevos tamén á Oficina de Turismo que vos ofertará unha visita guiada polo Arsenal ou un paseo en lancha pola ría, ambas visitas moi económicas e interesantes.
Para comezar a pasear pola vila, collede pola rúa do Castro, ata a rúa San Francisco. A primeira parada é diante da Igrexa Castrense. Paseade polos seus xardíns ata os de Capitanía. Podedes contemplar alí toda a extensión do Arsenal Militar e as instalacións de Navantia (antigua Bazán); diante de vos tedes o Mercado da Magdalena, que foi remodelado fai uns anos, á súa esquerda está a Peixería, un edificio modernista, a Concatedral de San Xiao e o Teatro Jofre, este último tamén modernista e feitos ambos pola man de Rodolfo Ucha Piñeiro.
Dando media volta, dirixídevos ata o parque Raíña Sofía para visitar Aquaciencia, una exposición permanente sobre as máquinas hidráulicas (é divertido, pois tedes que tocar, manipular e participar!)
Saíndo do Parque podedes dirixirvos hacia a praza de Amboage. A partires de ahí tedes ante vos o barrio da Magdalena (se queredes facer un paseo virtual por este barrio falade con Susi), que se extende ata a praza de España, pasando pola de Armas, onde está o Concello. As rúas teñen cada unha o seu carácter. A rúa Real, por onde as ferrolanas e ferroláns fan as súas compras, a Magdalena, de antiguas tendas e tascas moi persoais, a rúa Dolores, rua peatonal e con bancos onde parar un rato a charlar, a rúa do Sol, para tomar unhas bravas ou croquetas, e para o chocolate con churros ou buñuelos... a rúa María.
Por último queda o Cantón de Molíns, coa fundación Caixa Galicia, este edificio albergou antiguamente un instituto de ensino onde impartiron clases Concepción Arenal e Gonzalo Torrente Ballester. Fronte o Cantón, e dentro do recinto militar tedes dous museos: o Museo Naval e o Museo da Construcción Naval.
Para rematar a tarde podedes quedar a tomar algo nalgunha das terrazas do cantón... e volver en verán, para seguir coñecendo a comarca e as praias que a rodean.

10 de Decembro, Día dos Dereitos Humanos

2011-12-10T12:19:00.004+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Club de lectura temático: Viaxando polo mundo

2011-12-09T20:00:00.001+01:00

Para ir abrindo boca podedes ver a presentación que fixo Cristian sobre Londres:

https://docs.google.com/present/edit?id=0Af79l7rswIHwZGZ6Y3doZzVfNGN4NHh0amdy

Despois de vencer os piratas e lidiar con monstruos...despegamos!

2011-12-07T22:09:00.001+01:00

Sí amigos, os aguerridos lectores de primaria, fixeron fuxir piratas e mostros, e vencendo a uns e outros subíronse as naves espaciais e surcan o espacio sideral en busca de maís aventuras...descubrirán novos planetas?...atoparán extraterrestres?... caerán nun burato negro? Non vos perdades as súas novas aventuras!

Mes Cunqueiro: Webquest para Secundaria

2011-12-05T10:10:00.049+01:00

O exame de literatura

Aquí tedes un exame que acabo de corrixir, que, como podedes ver, entre o que esqueceu e o que inventa vouno ter que suspender! A non ser que lle botedes unha man e lle digades que cousas ten que poñer ben. Eu en total contei 12.

Álvaro Cunqueiro naceu fai cen anos no mes de decembro, o vintedous creo, nunha vila (1) de Galicia onde viven os mindoninos,. Os seus país foron Pepita e Joaquín, e el foi o segundo de cinco irmáns. De neno tivo unha infancia moi feliz pero cando o enviaron ó Instituto de Lugo custoulle adaptarse. Alí fíxose amigo doutro alumno (2) co que lle gustaba ler contos de lobos á lus do candil.

Fíxose grande e veu estudar a Santiago; gustáballe moito ler, e as tertulias nun café (3) que aínda está na esquina da praza de Galicia enfronte dun hotel, bo!, é moi vello claro, e ten mesas verdes desas antigas. É moi famoso… pero non me lembro do nome. En Santiago fíxose amigo de outro escritor famoso (4), un de Ferrol… que tamén cumpriu o centenario o ano pasado; e coñeceu outros persoeiros máis...

Máis adiante editou dúas revistas (5) Xogaina e Retranca, creo, e pola Guerra Civil instalouse como profesor nunha vila (6) que é famosa polo seu festival folk.

Rematada a Guerra Civil, e xa por Madrid, manifestou a súa admiración por un tipo (7) que tamén era moi famoso, que hasta lle fixeron unha película! Sí, saía Ariadna Gil, e o guión baseábase nunha novela famosa dun tal Cercas.

Despois coñeceu unha moza que se chamaba (8) como unha das fillas do Cid (isto subirame a nota non profe?) e casou con ela.

Respecto á súa obra, escribiu contos, poesías, ensaios... nos títulos aparecen os nomes de outros personaxes literarios famosos: (9) Romeo, Aquiles, Gandalf e Popeye.

E gustáballe moito a comida; incluso fixo un libro de cociña (10) que teñen as cociñeiras. E tamén lémbrome que na nosa biblioteca hai un libro dun amigo seu (11) que fala da alma de Galicia, un libro vello deses que é granate por fora, se ata o vin que estaba cos que falan de Galicia e o folclore e tradicións.

E morreu o 28 de febreiro, e quería que lle puxeran de epitafio (12): “Cuspídeme enriba cando pasedes por diante do lugar onde eu repouse, enviándome unha húmida mensaxe de vida e de furia necesaria.” – ou este era o de Lois Pereiro? Mimá! Pa min que me trabuquei de chuleta.

Bueno profe... darame para aprobar?

Escribe as túas respostas e envíanolas antes do 22 de decembro nun correo electrónico a lendoenlousame@hotmail.es, ou tamén podes introducir unha folla coas respostas no buzón de Dinamización Lingüística. Non esquezas indicarnos o teu nome, apelidos e curso!

Mes Cunqueiro: Webquest para Primaria

2011-12-05T10:10:00.048+01:00

Este ano celébrase o centenario do nacemento de Álvaro Cunqueiro, un dos maiores escritores en lingua galega, e gustaríanos que disfrutárades con nós da súa obra. Para elo vos propoñemos o seguinte: Buscade en Internet a solución ás seguintes preguntas:

1- 1- Álvaro Cunqueiro naceu en Mondoñedo o 22 de decembro de 1911. Na foto superior vedes a súa estatua fronte a un monumento moi coñecido de Mondoñedo, cal? Pista 1

2- 2- Tiña na vila o seu lugar favorito que era? Pista 2

3- 3- Mondoñedo é unha terra de paraxes máxicos e lendas, o máis coñecido “As covas do Rei Cintolo”, segundo a lenda a que ora pode saír a princesa Mafada e ser vista polos que visitan a cova? Pista 3

4- 4- Outro persoeiro moi famoso de Mondoñedo é o Rei das Tartas. Saberías decirnos o seu nome? Pista 4

5- 5- Se cadra esta maxia que envolve Mondoñedo inspirou a Cunqueiro as historias sobre outros persoaxes literarios famosos, poderías alomenos citarnos dous destes persoaxes? Pista 5

6- 6- Da poesía de Cunqueiro fixéronse moitas cancións. Pódedes decirnos quen é a protagonista desta ? Pista 6

7- 7- Un dos persoaxes imaxinarios dos que nos fala Cunqueiro é o Gatipedro. Anímaste a facer un debuxo do Gatipedro?

“O gatipedro é un gato branco que ten na cachola un corno mouro; o gatipedro ven polas noites ás casas, e párase nas habitacións nas que hai nenos durmindo. Entón o gatipedro ponse a verquer auga polo seu corniño, e o neno, en sonos, escoitando o pingar da fontiña aquela soña que mexa, e de verdade mexa na cama. Pra espantar ó gatipedro abonda con botar unhas areas de sal á porta do cuarto e ó pé da fiestra. O gatipedro anda apoiándose, ademais de nas catro patas, na língua e, probando coista o sabor do sal, o gatipedro dá a volta e prosegue a súa nuturnia viaxe, deixando ós nenos da casa en paz. “ Escola de menciñeiros. Álvaro Cunqueiro.

8- 8- Que cousa rara fai este cabalo que aparece na obra de Cunqueiro “Os outros feirantes” ? Pista 7

9- 9- Por último, que dúas famosas frases figuran na súa tumba? Pista 8
1010- O máis importante, cada clase presentará un traballo conxunto e todos os gatipedros que queira. Haberá un agasallo por clase. Boa sorte!

Quen puidera namorala!

2011-12-05T10:03:00.005+01:00

O martes 20 pola tarde

Na biblioteca mismiña

Tes que levar unha folla

coa solución da adiviña.

A cambio do teu traballo

, se o fixeches con paixón,

Mamá Noel encantada

Cantarache esta canción

Contéstalle co refrán

E se a deixas namorada

Unha sorpresa dourada

Pousará na túa man!

Adiviña:

“Quen puidera debuxala,

Quen puidera nomeala,

Meu amigo...”

El albergue de las mujeres tristes

2011-12-04T22:25:00.002+01:00

La novela comienza situándonos en Puerto Montt, que non é un escenario calquera. Se ledes a entrada da wikipedia pensaredes que é un pobo como outro calquera pero se facedes clic no seguinte enlace veredes que non é así, se cadra sónavos a canción de Víctor Jara "Preguntas por Puerto Montt" que nos retrotrae á historia pasada dictatorial de Chile, e pola situación política e datas históricas tamén nós, os/as que temos "unha idade" recordamos a pasada dictadura en España.

Despois do inciso histórico, podedes imaxinarvos chegando a Puerto Montt en avión, esto é o que veriades...
Para os/as que non coñecían a Marcela Serrano tedes información aquí.
Que opinades do libro?

Os outros feirantes, Escola de menciñeiros

2011-12-04T21:30:00.000+01:00

Lendo estes libros, quen non quixera coñecer á voadora de Serantes, Rosa Martiño, Tristán García, Perrón de Braña e tantos outros e outras, Síntome gris e imaxinaria ante tanta cor e tanta vida como puxo Don Álvaro Cunqueiro nestes retratos. Que vos pareceron