martes, 4 de diciembre de 2018

Reunión do club de lectura de 5º e 6º de primaria


Nesta ocasión seleccionamos un libro de An Alfaya, que nos fala de Silvino, un rapaz que non era ben aceptado por ter o "defeuto" de facer poesía...
Pero no noso club non estiveron de acordo e pensaron que a poesía e moi bonita, divertida, triste... depende, mesmo un dos nosos exploradores de libros improvisou unha estrofa...
Decidimos adicar a vindeira sesión do noso club de lectura a ler poesía, propia e allea...

Verémonos alí!!

Reunión do club de lectura de intriga (secundaria)

 
Nesta ocasión gozamos co relato Haec sunt nomina de Ana García, que nos submerxiu na atmosfera dun scriptorium da Edade Media, cuns monxes que dibuxan seres fantásticos sobre os seus bifolios de vitela... pero aparentemente algúns deses seres fantásticos existen de verdade...
O volumen 5 de  Contos Estranos da editorial do mesmo nome que dirixen Fernando M. Cimadevila e Tomás González Ahola está adicado a elas... (Ana García, Maruxa Martínez, Suzi Ons, Érica Couto, Patricia Mariño, Xulia M. Barros, Lúa Campos, Beatriz Guerra, Maria Eijo e Tuula Ahola)  as nosas escritoras noveis de Galicia. Non volo perdades, hai contos para tódolos gustos!!

martes, 20 de noviembre de 2018

Club de Banda Deseñada: A viñeta de Shröedinger


Nesta reunión tivemos o pracer de ler e comentar o primeiro número da revista A viñeta de Schröedinger, con historietas de Miguelanxo Prado, Kiko da Silva e outros debuxantes saídos do Garaxe Hermético.
Encantounos; recomendámovosla encarecidamente!!!

martes, 13 de noviembre de 2018

Club de lectura 2º ciclo de primaria: Tres piratas, unha bruxa e algo máis...



Nesta reunión pasámolo moi ben con esta poesía fantástica de Daniel Ameixeiro, cunha fantástica ilustración de Suso Cubeiro. O conto sóubonos a pouco.

martes, 6 de noviembre de 2018

Club de lectura terceiro ciclo de primaria novembro: O meu pesadelo favorito


Neste mes de Samaín, aproveitamos para pasalo ben cun espíritu chuchón do máis gracioso.
Se queredes rir e pasalo de medo recoméndovos este libro de María Solar.

Club de lectura de cine segunda reunión


Nesta sesión finalizamos a nosa comparación entre a novela A princesa prometida e a película, vimos que o principal cambio é que se acurtan moitas partes descritivas e narrativas do libro para condensalo na película, a lectura do libro é por iso moi recomendable xa que nos aporta moita máis información sobre o que lle aconteceu tanto aos protagonistas como aos persoaxes secundarios.

lunes, 22 de octubre de 2018

Club de lectura de secundaria de cómic: A noite de Samaín



Dadas as datas nas que nos atopamos atraeunos moito comezar o noso club de banda deseñada con esta obra de Pepe Carreiro que nos gusta moito pero que  polo de agora nos produce máis risa que medo... Ata a póxima sesión!

Related Posts Plugin for WordPress, Blogger...