A ilustradora Marina Seoane, autora de "Rosalía pequeniña", e "Brujas!", entre outros títulos, visita as aulas de Infantil B e 1º A e B de Primaria.
Dende o recreo da mañá, alumnos e profesores estiveron curioseando e mercando os libros que a libraría de Santiago de Compostela AENEA nos trouxera... Os membros do club de lectura tiveron ocasión de pedir un libro cada un/unha para a nosa biblioteca, xustificando a súa petición.
As catro empezaron os turnos de lectura; os membros dos diferentes grupos do noso club de lectura "Á lus de San Finx" leron un fragmento do seu libro favorito. Algunhas familias xa poideron achegarse a escoitalos.
Tras as lecturas, alumnado e familias viaxaron polo Camiño de Santiago ó longo dos corredores do centro para mergullarse de cheo na Idade Media dos cetreiros e na máis actual necesidade de protección do medio ambiente por mor da maxia e da sorpresa do noso particular Camiño das Estrelas. Aquí os vedes gozando da exhibición que Falcóns Galicia realizou para nós no patio do colexio. Finalmente, tal e como estaba previsto, compartimos todos unha merendola no comedor do cole. Os doces traidos polas familias estaban sensacionais. MOITAS GRAZAS A TODOS E TODAS OS QUE COLABORASTES!!!
Mil grazas a María Ourille e Cristian González polos seus maravillosos reportaxes fotográficos e de vídeo respectivamente!!!
No hay comentarios:
Publicar un comentario