Reunión de xaneiro do club de lectura de secundaria

O pasado venres 30 de xaneiro tivemos a reunión do club de lectura de secundaria, que comezamos poñendo proa á Paz cunha frota de barcos que tansportaban frases célebres sobre a paz. Aproveitando este día lemos ás poesías La Muralla de Nicolás Guillén (esta tamén a cantamos), Pido la Paz y la Palabra de Blas de Otero, Masa de César Vallejo e La Poesía es un Arma Cargada de Futuro de Gabriel Celaya.

Tamén celebramos o día da paz en prosa co relato Declaración de Manuel Núñez Singala, recollido no libro Instrucións para tomar café. Do que tamén lemos o divertido Cocido Familiar, aproveitando que o Entroido vénsenos enriba.

Pero non quixemos esquecer que hoxe tamén era o Día da Ilustración homenaxeando a Castelao e falando das estupendas novelas gráficas das que dispomos na biblioteca e que tiveron moito éxito entre os rapaces, sobre todo a de Emigrantes e El curioso caso de Benjamin Button.