Visita ás Minas de San Finx

Este sábado 21 os integrantes do Club de lectura de adultos visitamos ás Minas de San Finx, actividade complementaria á lectura do libro "Febre" de Héctor Carré. Maite Sobradelo explicounos a historia das Minas e amosounos as ferramentas e maquinaria gardada no museo. Entusiasmounos ver ónde estaba o Cuartel da Garda Civil e a taberna de Roxelio. Quedamos moi contentos de coñecer esta parte da historia do concello. 

Para todos/as os que estades afectados pola febre do wolfram, eiquí tedes maís mediciña:

"Cabalo de ouros" de Víctor Freixanes, "Misión de guerra en España" de Carlton Hayes, "La batalla del Wolframio" de Joan María Thomas e "1936, a guerra civil en Lousame e Noia" de Xerardo Agrafoxo.

Grazas a todos e todas por vir, a Maite polo que nos contou e a Olalla por tan belas fotos.

As Minas de San Finx

Como sabedes o luns 4 de abril teremos unha conferencia sobre a historia das Minas de San Finx na Casa da Cultura de Lousame a cargo de Maite Sobradelo Creo. Eiquí tedes unha recopilación do que ata agora hai publicado na rede:

Páxina web das Minas: www.minasdesanfinx.com

Información sobre as Minas e o médico Don Teo na páxina do Concello de Lousame:

www.concellodelousame.com

Traballos de investigación feitos sobre as Minas de San Finx na páxina da Cámara Mineira

Vídeos en youtube:

Que vos pareceu a conferencia? Sabedes máis historias sobre as minas?

Á lus de San Finx

Cando tivemos que escoller un nome para o noso club de lectura, rápidamente pensamos nas minas de San Finx, que tanta importancia tiveron e teñen no noso concello de Lousame, igualmente viñeronnos á mente outras minas, literariamente moito máis famosas: as minas de Moria do Señor dos Aneis, libro ó que lle rendemos homenaxe cos nomes dos autores deste blog e xa que o wolframio ou tungsteno é necesario para fabricar os filamentos das lámparas incandescentes , imaxinámonos un percorrido literario por San Finx-Moria, sen orcos pero con moitos libros e aventuras a descubrir. "Á lus do candil" de Anxel Fole inspirounos tamén o noso nome pois era baixo a que se contaban aqueles contos de lobos, de aparecidos, historias extraordinarias herdadas de tempos de lobos, de fame, de frío, de invernos ante a lumbre da lareira, onde, se cadra o viaxeiro da noite de inverno de Italo Calvino poidera terse sentado para enxergar os seus trece relatos, con Aragorn fumando a súa pipa envolto na sombra dun recuncho da cociña cos pes enriba dun tallo.
Nesta ocasión escollemos mergullarnos nos "Contos" de Fole, "Á lus do candil" e enfrontarnos "Os lobos". Boas lecturas!!!