7ª REUNIÓN DO CLUB DE LECTURA DOS RAPACES

Hoxe, 28 de maio de 2011, demos por finalizada a nosa andaina este curso. Lemos xuntos distintas obras, compartimos opinións, rimos e, sobre todo, gozamos do libro, a fin de contas ese era o noso propósito. Agora, esperamos volver para o curso vindeiro e xuntos, volver reunirnos e comezar novas lecturas. Para o verán tamén levamos algún que outro libro; o bo tempo, o ocio, a praia e as festas non son incompatibles coa lectura; por iso, decidimos que cada un de nós vai ler todo o que poida. Os libros que escollemos son os seguintes:

Memorias de Idhún, de Laura Gallego.
Escola de Frikis (2ª parte), de Gitty Daneshuari.
Os piratas da illa de Esperanza, de X. M. Corcón.
Crónicas Marcianas, de Ray Bradbury.
La princesa prometida, de William Goldman.
Los pilares de la tierra, de Ken Follet.
Kika Superbruxa e a momia.

Outros decidimos deixar que o propio verán nos vaia ofrecendo as lecturas máis adecuadas.

Para rematar estas reunións temos unha pequena festa o próximo 6 de xuño, vainos vir un contacontos!!!

Por último, só nos queda animarvos a que entredes no noso club. En setembro queremos que Á lus de San Finx, sexa moito máis numeroso.

Animádevos, pasade un bo verán e e tede MOI BOAS LECTURAS.