E ti que sabes de Celso? (webqués do revés)

Día 12 do 12 do 12 ás 12h12 minutos....A FIN DO MUNDOOOOOO?
-NOOOOOOOOOOOOOOOOOON-

Celso Emilio está de centenario!, e seica foi un gran poeta... ou letrista? Dígoo porque hai moitas cancións en youtube coas súas verbas... Ben, pois imos divertirnos un anaco cunha webquest ao revest... ,ou sexa, que tes que contestar ás seguintes preguntas. Nalgunha delas terás que achar algún dato, pero na maioría terás que dar a túa opinión persoal... ou contarnos algo... ou xa veremos!!
Por suposto pode que haxa un agasllo... ou non, ou ao revés, ou varios, ou o agasallo sexa para Celso Emilio (ou para a que suscribe). Veña, empezamos:

1- Primeiro tes que facer de crítico/a musical... cal destas versións do poema "Deitado frente ao mar"  che gusta máis?:
- Versión rap de Cantor Hippie

- Versión de Dios ke te crew

- A versión de "As Barxas"

- A do CEIP da Barqueira:

Eu xa teño a miña favorita... veña animádevos a contestar que faremos un ránking....!!!!

2-Esta é faciliña (para que te animes a seguir). Escoita este poemiña e fainos unha pequena estrofa de catro versos contándonos a que lle dirías ti "NON" - catro versos de medida e rima libre-

3-Imos preguntar algo complicadiño, que se non isto non ten graza!! Escoita esta canción e a ver se es quen de averiguar que outro nome ten este poema de Celso Emilio...:

4- Vaia, que xa o sabes... pois outra. Aquí tes uns "Consellos" de Celso Emilio, cantados por Amancio Prada; podes atopar algún refrán galego que veña dicir más ou menos o mesmo...?

5- Seguro que algún dos teus devanceiros/as  podería ter composto este poema. Eu adicaríallo ao meu avó, que foi zoqueiro;  e ti, a quen llo adicas? En que traballou?

6- Escoita esta canción de Fuxan os Ventos, "Irmaus", poema musicado de Celso Emilio. A que situación actual lla aplicarías? (Xa sei que hai moitas... pero eu só che pido que me digas unha).

7- Xa, directamente... quen foi "María Soliña":?

8- Véxote moi posto/a. Pois xa que estás, quen foi Moraima?

9- E como nuns días entraremos no inverno. Cantas veces "Chove" na canción seguinte?

 10- (E última) Segundo esta canción de Miguel Ángel Gómez Naharro, onde quere morrer o poeta?

Vale, que xa as tes todas contestadas - ou unhas poucas-:Non sei a que agardas para escribir as túas respostas premendo en COMENTARIOS!, non esquezas poñer o teu NOME e SÓ AS INICIAIS dos teus dous APELIDOS, xunto co número e letra do teu curso.

TES DE PRAZO ATA O 13 de xaneiro ás 13 horas.

Deitado frente ao mar

E para celebrar o ano "Celso Emilio Ferreiro" organizouse a seguinte actividade:

RECITANDO CELSOEMILIO

Ao cumprirse o centenario do nacemento do poeta celanovés Celso Emilio Ferreiro, unha das voces fundamentais da literatura galega da segunda metade do século XX, desde a Coordinadora Galega de Equipos de Normalización e Dinamización Lingüística (CGENDL) desexamos renderlle homenaxe pública cunha acción de carácter colectivo que simbolice toda a forza e enerxía que transmite a súa palabra,símbolo permanente de valores de solidariedade e xustiza universais, pero tamén de compromiso cívico coa cultura e lingua de Galicia.
A actividade consta de dúas accións simultáneas e complementarias:
Un acto colectivo de recitado público do poema Deitado fronte ao mar de Celso Emilio Ferreiro, publicado inicialmente no libro Longa noite de pedra (1962).
Fonte: www.celsoemilioferreiro.org

DEITADO FRENTE AO MAR

Lingoa proletaria do meu pobo,

eu fáloa porque sí, porque me gosta,

porque me peta e quero e dame a gaña;

porque me sai de dentro, alá do fondo

dunha tristura aceda que me abrangue

ao ver tantos patufos desleigados,

pequenos mequetrefes sin raíces

que ao pór a garabata xa nan saben

afirmarse no amor dos devanceiros,

falar a fala nai,

a fala dos abós que temos mortos,

e ser, co rostro erguido,

mariñeiros, labregos do lingoaxe,

remo i arado, proa e rella sempre.

Eu fáloa porque sí, porque me gosta

e quero estar cos meus, coa xente miña,

perto dos homes bos que sofren longo

unha historia contada noutra lingoa.

Non falo pra os soberbios,

non falo pra os ruis e poderosos,

non falo pra os finchados,

non falo pra os valeiros,

non falo pra os estúpidos,

que falo pra os que agoantan rexamente

mentiras e inxusticias de cotío;

pra os que súan e choran

un pranto cotidián de volvoretas,

de lume e vento sobre os ollos núos.

Eu non podo arredar as miñas verbas

de tódolos que sofren neste mundo.

E ti vives no mundo, terra miña,

berce da miña estirpe,

Galicia, dóce mágoa das Españas,

deitada rente ao mar, ise camiño...

Fonte: www.galiciaespallada.com.ar

Intervención de María Lado e Lucía Aldao en Poesía Alimentaria