Festa da lectura: Obradoiro para o grupo de banda deseñada

Para o grupo de Banda Deseñada, e sabendo a súa afección polos mangas e animes, Alba Souto organizou unhas batallas de rol cos heroes e heroínas máis coñecidos. Este grupo tivo tamén a ocasión de revisar as novas adquisicións que en manga e banda deseñada realizou a biblioteca, tendo en conta tamén as peticións dos propios participantes no club de lectura. Igualmente realizaron a enquisa de valoración proposta.

Club de lectura de cómic: Buscando títulos

Os nosos expertos en cómic reuníronse na biblioteca para facer un listado de títulos que poidan pasar a engrosar os nosos fondos. Falaron de mangas para os máis pequenos e que aínda non temos: Pokemon, Noragami... e tamén para os máis maiores: Ataque de los titanes ou One punch man. Tamén recomendaron mercar clásicos tanto de Marvel como de DC: Lobo, Power girl, Batman ou La liga de la justicia. Tamén estivemos a falar do futuro da banda deseñada en Galicia: A viñeta de Schroëdinger, Antonio Seijas ou do novo álbum de Fon Barreiro Troglo e Dita, que presentará este vindeiro venres no Liceo de Noia. E por este curso rematamos... ou non....

Reunión do club de lectura de cómic de secundaria

Este mes tocoulle a Jacobo Fernández Serrano presentarnos a Archimboldo Roque e os seus peculiares e surrealistas amigos. Un universo inzado de humor, personaxes e situación inesperadas. Un humor intelixente e sutil. Gozamos moito coas súas historias.

Segunda reunión do club de lectura de Secundaria: Tintín

Xa tiñamos ganas de voltar con Tintín e amigos. Na segunda sesión deste curso (venres 1 de decembro) viaxamos con el ao Tíbet e atopámonos con sherpas, monxes budistas e o mesmísimo Home das Neves. Reflexionamos sobre o valor da amizade,un dos temas máis importantes na entrega de Tintín no Tíbet.

COMEZA O CLUB DE LECTURA

XA VOLTAMOS!!!
Outro ano máis , con moitas ganas de comenzar a nosa andaina literaria. Este ano imos centrar o Club de Lectura nos detectives literarios. O primeiro foi Tintín:

Aquí estamos na primeira sesión, o vernes 27 de outubro. Como nos soubo a pouco, decidimos que a xuntanza de novembro tamén a adicaremos a Tintín, Milú e os seus amigos

Atención Otakus!!

Por fin o lonxano oriente chegou á nosa biblioteca cun cargamento de Mangas para todas as idades!
Dende o coñecido Detective Conan, pasando por Dragonball, Keroro ou Magi para os mais novos ata Death Note, Blood+, El Monstruo ou Bakuman para os mais maiores. E se vos gustaría ser mangakas, tamén temos unha selección de libros que vos axudarán a mellorar os vosos dibuxos de manga ou de super-heroes. Non deixedes de pedilos na vosa biblioteca!!

A BANDA DESEÑADA ATERRIZA EN LOUSAME!!

O CEFORE de Santiago emprestou nestes días unha maleta cargadiña de cómics ao C.P.I Cernadas de Castro. Chámaselle cómic ou banda deseñada á unha serie de debuxos que constituen un relato. Nesta maleta viaxeira podemos encontrar cómics como: Galimatías, Persépolis, Maus, Tin Tin, Francia tiene miedo,....