Hoxe venres 19 de outubro estamos de novo reunidos nun club temático. Neste club non nos adicamos a ler ficción senón que lemos sobre cousas reais que nos interesan.
Nesta ocasión estamos a montar as máquinas deseñadas por Leonardo da Vinci... con moito éxito pola nosa parte como podedes ver... Fáltanos a catapulta que aínda non nos chegou, pero o temos para unha vindeira reunión.
Que, a que vós tamén tedes gañas de participar? Pois vos esperamos nas vindeiras reunións!
Que ledicia ter un pretexto para deixar o noso cotián e facerlle unha visita a persoalidade tan fascinante que foi Leonardo da Vinci... un CURIOSO TOTAL así en grande, un dos máis grandes ambiciosos da historia, pois tal foi un home que aspirou a aprendelo todo, a investigalo todo, a inventalo todo: anatomista, arquitecto, artista, botánico, científico, escritor, escultor, filósofo, inxenieiro, inventor, músico, poeta, urbanista...
Semella que o que este home viviu en 67 anos abondaría para dar que facer a tres ou catro persoas... e aínda así pedirían axuda. Se é certa a teoría das oito intelixencias de seguro que Leonardo tiña máis...
Submerxirse na súa vida e obra semella tarefa imposible, pero vale a pena concederlle un tempiño vendo distintos aspectos: Elixide con coidado... podedes perdervos nesta aventura! Biografía
