Visita de Manuel Lourenzo

Onte, 5 de maio, recibimos a visita do escritor e docente Manuel Lourenzo que veu falarnos dos seus dous libros, Irmán do vento e Flor de area, que lemos en 3º  e 4º ESO.

Comentounos como xurdiu a primeira das obras, froito da indignación ante unha guerra que non podía comprender, e como a realizou en moi pouco tempo. Pola contra, a segunda foi froito dunha reflexión e dun traballo que se estendeu moito máis no tempo.

E rematamos a sesión cunha serie de preguntas ás que el lles deu resposta moi amablemente, así como a sinatura dos libros.

Visita de María Solar

Hoxe achegouse ata Lousame a periodista e escritora María Solar. O curso pasado tivemos o pracer de ler o seu libro O fillo do Pintamonas. Falou con nós do libro, e de como se animara a escribir, e lembrou a importancia que tivo na súa infancia e despois nas súas eleccións de  vida as historias e lendas que lle contaba a súa avoa.

Foi unha visita que seguro deunos máis ganas de ler aínda... e agradecémoslle a María o esforzo de facer un oco para nós. Agradecemos tamén ao Concello de Lousame que nos prestase o seu salón de actos para a ocasión.

Unha doce lembranza para María e moitos ánimos e éxitos para os vindeiros libros que seguro, ha escribir.