Festa da Lectura

Finalmente e coma en anos anteriores tivemos a nosa festa da lectura, con apadriñamentos lectores e actividades de animacion á lectura ou monicreques.

Club de lectura de PDC, reunión de marzo

Continuamos lendo A punta de pistola, e decatámonos de que na novela está tamén o contrapunto lento e repousado da irmá de Rica, camioneira cunha empresa que vai moi ben. Nas pasaxes en que aparece ela, a novela diminúe o ritmo trepidante que marcan os outros dous personaxes.
Pareceunos tamén moi interesante, amais do ritmo narrativo, a temática de desestructuración social desta familia marxinal.

Club de lectura PDC. Reunión de febreiro

A finais de febreiro comezamos A punta de pistola, que é pura acción. Esta novela gustounos máis porque a historia transcorre a velocidade de vertixe. Pareceunos estar vendo unha película, unha persecución pola autoestrada. O Balas, protagonista da historia, personaxe violento, marxinal, agresivo e a muller, cómplice do home polo medo que lle ten, van de mal en peor na historia.

Club de lectura PDC. Reunión de Xaneiro

En xaneiro comezamos a lectura de O vixía entre o centeo. Durante seis semanas estivemos léndoo, mais pareceunos moi monótona e pedimoslle á profesora que nolo cambiase. Para nós foi moi subxectivo, tiña pouca acción, era demasiado detallista, incluso a algún de nós nos pareceu que a historia non tiña nin pes nin cabeza.

Club de lectura 4º PDC: "O corazón da Branca de Neve"

Os alumnos e alumnas de 4º C leron este interesante libro de Francisco Castro no club de lectura.Todos coinciden en que trata un tema moi actual (o roubo de bebés en centros hospitalarios). 

Tamén coinciden en que o noso escritor utiliza unha linguaxe común, un vocabulario fácil e comprensible. Coa súa narración consegue crear tensión cara ao final de cada capítulo para animar a seguir lendo. 

Mais,  curiosamente, o libro foi do agrado das rapazas, mentres que os rapaces consideraron que foi un pouco aburrido. No que si coinciden todos é que ao final acaba ben. 

Parécevos que o final é o adecuado?
Se queredes escoitar ao propio autor falando da súa obra, non vos perdades o seguinte vídeo!

Club de lectura 4º C . Pel de lobo

   Os alumnos de 4ºESO C organizaron un club de lectura para este curso. Lerán un libro ao mes (ou en mes e medio) e terán a reunión a finais de cada mes (ou mes e medio).

   Arrancaron coa novela Pel de lobo, de Xosé Miranda. Este título é dos máis coñecidos do autor, que se inspira nos contos tradicionais para escribir algunhas das súas novelas.

   Os alumnos comentaron que ao principio custáballes entender o texto polo vocabulario, mais decontado se mergullaron na novela. Do coloquio salientamos:
- a algúns pareceulles interesante a "velocidade narrativa", parella á velocidade dos lobos nos ataques e nas fuxidas;
- alguén comentou que un pai non pode botar un meigallo aos fillos, e que non é crible a conversión dun humano nun animal, polo que a historia non é crible;
- uns dicían que había que cambiar o final,   outros que había que  deixalo como estaba.
         No que si coincidiron todos foi no chamativo dun personaxe: Rosa (ou Roso) dos Chantos, unhas veces home, outras veces muller.                                                      

II Festa da Lectura

Nesta II Festa da Lectura as actividades que realizamos foron: Primeiro apadriñamentos lectores entre os nosos "leons e leonas de libros" do club de lectura, grupos de terceiro, cuarto, quinto e sexto de primaria e os de secundaria con nenos e nenas de infantil e 1º ciclo de primaria.

 Despois tivemos unha reparadora merendola na biblio con fondue de queixo incluída, biscoito e chuches... algunha das pequenas nos dixo "Pero non era que non se podía comer na biblioteca?". Pois tes razón, pero un día é un día!

Xa ben fartiños tivemos o pracer de recibir a Serafín Marcos, cunha animación en torno á figura de Díaz Castro, na que participamos encantados.

E aproveitamos para entregar algúns dos premios pola portada da revista Xogaina aos seus autores e autoras; aquí nos vedes nas fotos:

Ata a vinderia edición! Boas vacacións a todos e a todas!!!